"Вест Хэм"нинг германиялик форварди Никлас Фюллькруг яқинлашиб келаётган трансферлар даврида клубини ўзгартирмоқчи. Бу ҳақда журналист Патрик Бергер маълум қилди.

Манбага кўра, 32 ёшли ҳужумчи "Вест Хэм"ни тарк этишга қарор қилган ва бу ҳақда клуб раҳбариятига маълум қилган. "Болғачилар" босслари бу маълумотни хотиржам қабул қилишди, чунки улар Фюллькруг 2026 йилги жаҳон чемпионатига боришни жуда хоҳлаётганини тушунишади.

Фюллькруг "Вест Хэм"га 2024 йилнинг ёзида Дортмунднинг "Боруссия" клубидан кўчиб ўтганди. Жорий мавсумда форвард барча мусобақаларда еттита ўйинда майдонга тушди, аммо самарали ҳаракат қила олмади.