Ҳиндистоннинг Гоа шаҳрида бўлиб ўтаётган шахмат бўйича жаҳон кубоги мусобақасида бугундан 2-босқичга (1/64 финал) старт берилди.

Шамсиддин Воҳидов илк саралаш босқичида ғалаба қозонган бўлса, 2-босқичдан турнирга Нодирбек Абдусатторов, Жавоҳир Синдаров ва Нодирбек Ёқуббоев қўшилишди.

Синдаров бугун черногориялик Никита Петровга қарши оқ доналарда ўйнаб, эншпилда ғалабани илиб кетди. Қолган шахматчиларимиз эса бугун дуранг қайд этишди.

Денис Махнёв (Қозоғистон) - Нодирбек Абдусатторов - 0,5:0,5
Никита Петров (Черногория) - Жавоҳир Синдаров - 0:1
Никлас Хушенбет (Германия) - Нодирбек Ёқуббоев - 0,5:0,5
Шамсиддин Воҳидов  - Максим Чигаев (Испания) - 0,5:0,5

Эртага шахматчилар ўртасида жавоб ўйини ўтказилади.