"Бавария" вингери Луис Диас Чемпионлар Лигаси умумий босқичининг 4-туридан ўрин олган "ПСЖ"га қарши баҳсда қизил карточка олди.
Биринчи бўлимга қўшиб берилган 3-дақиқада мюнхенликлар вингери майдон марказида парижликлар ҳимоячиси Ашраф Ҳакимийни ортидан йиқитди. Марокашлик йиғлаб юборди ва тез орада унинг ўрнига Санни Меюлу майдонга тушди.
Учрашув бош ҳаками Маурицио Мариани колумбиялик футболчига сариқ карточка кўрсатди, бироқ кейинроқ қарорини ўзгартирди ва видеоёрдамчиларнинг маслаҳати билан такрорни кўриб, уни майдондан четлатди.
Эслатиб ўтамиз, бунгача Диас дубль қайд этганди.
