"ПСЖ" вингери Хвича Кварацхелия Чемпионлар лигасида "Бавария"га (1:2) қарши ўйиндаги мағлубият ҳақида фикр билдирди.
Немис гранди бутун иккинчи бўлимни бир киши кам бўлиб ўтказиб, Парижда ғалаба қозонди.
"Бавария" жуда кучли. Рақибимиз ўн киши бўлиб қолганида ҳам яхши ҳимояланди. Бизда голли вазиятлар бўлди, аммо бу етарли бўлмади. Олдинда узоқ мавсум турибди," - дея Кварацхелиянинг сўзларини келтиради журналист Керри Хау.
"Бавария"га ғалабани Луис Диаснинг дубли келтирди, у биринчи бўлим охирида майдондан четлатилди. Танаффусдан кейин парижликлар сафида Жоау Невеш гол урди.
