"Бавария" яримҳимоячиси Йозуа Киммих Чемпионлар лигасида "ПСЖ"га қарши ўйиндаги ғалаба (2:1) ҳақида фикр билдирди. Венсан Компани жамоаси бутун иккинчи бўлимни бир киши кам бўлиб ўтказди, аммо биринчи бўлимда тенг таркибда киритилган иккита гол ғалаба учун етарли бўлди.
"Биз танаффусга қадар "ПСЖ"га кўплаб муаммолар туғдирдик. Тўпга унчалик эгалик қилмадик, аммо бизда вазиятлар бўлди. Бу фаолиятимдаги энг шиддатли таймлардан бири бўлди. Иккинчи бўлимда олдинда кам имкониятларга эга бўлдик, аммо жуда яхши ҳимояландик. "ПСЖ" бизни дарвозага қисиб қўйди ва кўплаб голли вазиятлар яратди, деб айта олмаймиз - Жоау Невешнинг бош билан берган зарбасини ҳисобга олмаганда, улар одатда узоқдан зарба беришди", - дея Киммихнинг сўзларини келтиради Bayern & Germany.
"Бавария" жорий мавсумда 16 та ўйиннинг барчасида ғалаба қозонди, шу жумладан, Чемпионлар Лигасида 4 та ўйинда.
