Халқаро футбол федерациялари уюшмаси – ФИФА футзал бўйича Жаҳон рейтингини ҳар ойнинг 20 санасида янгилаб боради. 2025 йилнинг октябрь ойига кўра рейтингни ҳамон амалдаги Жаҳон чемпиони – Бразилия терма жамоаси бошқариб бормоқда. Кучли ўнталикдан Испания, Аргентина, Португалия, Россия, Эрон, Қозоғистон, Украина, Марокаш ҳамда Италия терма жамоалари ўрин эгаллашган. Ўзбекистон миллий терма жамоаси бу рўйхатнинг 27-поғонасидан жой олган.

Осиё қитъаси мамлакатлари орасида Эрон Ислом Республикасидан ташқари биздан юқорида бораётган орасида Япония (14) ва Таиланд (18) мамлакатлари терма жамоалари бор.

Собиқ Иттифоқ мамлакатлари орасида эса Россия (5), Қозоғистон (7), Украина (8), Грузия (20), Беларус (22), Озарбайжон (24) мамлакатларидан кейин 7-ўринни эгаллаб турибмиз. Энди КАФАга кирувчи мамлакатларнинг кўрсаткичларига назар ташлаймиз: Эрон (6), Ўзбекистон (27), Қирғизистон (46), Тожикистон (57), Туркманистон (68), Афғонистон (72).

Мазкур кўрсаткичлар ноябрь ойида бирмунча ўзгаришларга учраши кутилмоқда.