Лондоннинг "Тоттенхэм" клуби бош мураббийи Томас Франк жамоа ҳимоячиси Микки ван де Веннинг сермаҳсуллиги ҳақида фикр билдирди.
"Микки ван де Вен - барча мусобақалардаги энг яхши тўпураримиз, шундай давом этишига қарши эмасман. У ўйиндан кейин жаҳли чиқса, мени олдимга келиши шарт эмас", - дея Франкнинг сўзларини келтиради журналист Фабрицио Романо.
Жорий мавсумда 24 ёшли нидерландиялик барча мусобақаларни ҳисобга олган ҳолда 15 та ўйинда майдонга тушиб, 6 марта рақиблар дарвозасини ишғол қилган.
