“Атлетико Мадрид” ҳужумчиси Жулиано Симеоне кетма-кет уч ўйинда “Man of the Match” (ўйин қаҳрамони) совринини қўлга киритди.

Унинг юқори даражадаги ўйинини жамоа бош мураббийи ва отаси — Диего “Эл Чоло” Симеоне ҳам алоҳида таъкидлади:

“У жамоада ўз ўрнини топди ва шериклари билан яхши муносабат ўрнатди — мен энг кўп қадрлайдиган жиҳат ҳам шу. Мен оталик ва мураббийлик ҳисларини ажратишга ҳаракат қиламан”, — деди катта Симеоне.

22 ёшли аргентиналик вингер жорий мавсумда жами 15 та ўйинда 3 та гол уриб, 5 та ассист амалга оширди.