Кутилганидек, "Арсенал" форварди Виктор Дьёкереш Швеция терма жамоасининг ноябрь ойидаги ўйинларига расман чақирилмади. Сабаби - дам олиш кунлари "Бёрнли" билан АПЛ доирасидаги сўнгги ўйинда олган жароҳати. Эслатиб ўтамиз, Дьёкереш ўша ўйиннинг танаффус вақтида алмаштирилганди.
Таъкидлаш жоизки, шведларда гуруҳда иккинчи ўринни эгаллаш учун кичик имкониятлар мавжуд. Бунинг учун меҳмонда Швейцария ва ўз майдонида Словения терма жамоаларини мағлубиятга учратиш ва бошқа натижаларга умид қилиш керак.
Аввалроқ, манба Дьёкереш қачон яна "Арсенал"да ўйнай олиши ҳақида хабар берган эди. Шунингдек, "канонирлар"нинг яна бир жароҳат олган футболчиси Габриэль Мартинелли ҳақида ҳам маълумотлар бор.
