Kutilganidek, "Arsenal" forvardi Viktor Dyokeresh Shvesiya terma jamoasining noyabr oyidagi o‘yinlariga rasman chaqirilmadi. Sababi - dam olish kunlari "Byornli" bilan APL doirasidagi so‘nggi o‘yinda olgan jarohati. Eslatib o‘tamiz, Dyokeresh o‘sha o‘yinning tanaffus vaqtida almashtirilgandi.
Ta’kidlash joizki, shvedlarda guruhda ikkinchi o‘rinni egallash uchun kichik imkoniyatlar mavjud. Buning uchun mehmonda Shveysariya va o‘z maydonida Sloveniya terma jamoalarini mag‘lubiyatga uchratish va boshqa natijalarga umid qilish kerak.
Avvalroq, manba Dyokeresh qachon yana "Arsenal"da o‘ynay olishi haqida xabar bergan edi. Shuningdek, "kanonirlar"ning yana bir jarohat olgan futbolchisi Gabriel Martinelli haqida ham ma’lumotlar bor.
