Ашраф Ҳакимий жароҳат туфайли узоқ муддатга сафдан чиқди.
"ПСЖ" ҳимоячиси Ашраф Ҳакимий EЧЛ доирасидаги "Бавария"га (1:2) қарши ўйиннинг биринчи бўлими охирида Луис Диаснинг орқадан подкати туфайли мажбуран алмаштирилди. Марокашлик йиғлаб майдонни тарк этди, бош ҳакам эса Диасга қизил карточка кўрсатди.
Marca хабарига кўра, Ҳакимий бугун эрталаб Парижда текширувдан ўтган. Ҳимоячига синдесмознинг узилиши ва болдирнинг делтасимон бойламининг енгил шикастланиши ташхиси қўйилган. У тахминан икки ой майдонга тушмайди.
Ҳакимийнинг 21 декабрь куни старт оладиган Африка Кубогида иштирок этиши катта сўроқ остида турибди.
