"Милан" рекорд даражадаги молиявий натижаларни эълон қилди.
Бугунги акциядорлар йиғилишида 2025 йил 30 июнда якунланган ўтган молия йили бўйича ҳисобот тақдим этилди.
"Замонавий тарихда" биринчи марта клуб кетма-кет уч мавсумда фойда кўрди. Бу сафар у 3 млн еврони ташкил этди. Бундан ташқари, "россонерилар" кетма-кет учинчи марта рекорд даражадаги даромадга эга бўлишди: ўтган йилга нисбатан сумма 10 фоизга ошди ва 494,5 млн еврони ташкил этди.
Тижорат даромадлари 6 фоизга (152,3 миллионгача), ўйинчилар ҳуқуқларини бошқаришдан тушган даромадлар 30,6 фоизга ошди.
Шу билан бирга, соф молиявий қарз 43 миллион еврога ошди - у 92,6 миллион еврога етди.
