"Боруссия Дортмунд" бош мураббийи Нико Ковач жамоасининг Чемпионлар Лигасида "Манчестер Сити"га қарши мағлубияти ҳақида фикр билдирди.
"Шаҳарликлар" ҳар бир бўлимда иккитадан гол уришди, бунга Фил Фоден (дубл), Эрлинг Холанд ва Райан Шерки муаллифлик қилди.
Меҳмонларнинг ягона голини Вальдемар Антон урди. "Биз "Манчестер Сити"нинг қанчалик кучли эканлигини кўрдик. Дастлабки 15 дақиқада тўпни ушлаб, ўйинни назорат қилиб, яхши ўйин кўрсатдик, аммо кейин улар тезликни ошириб, ўз маҳоратларини намойиш этишди", – деди Ковач.













