"Ноттингем Форест" бош мураббийи Шон Дайч Европа Лигасининг клуб учун аҳамияти ҳақида гапирди.
Бугун, 6 ноябрь куни "Ноттингем" сафарда Австриянинг "Штурм" клубига қарши баҳс олиб боради. Учрашув Тошкент вақти билан соат 22:45 да бошланади.
"Европа Лигаси клуб, унинг тарихи ва мухлислар учун жуда катта аҳамиятга эга. Биз, албатта, ушбу турнирга жиддий ёндашамиз. Бу клуб йиллар давомида қайтиш учун интилаётган нарса," - дея мутахассиснинг сўзларини келтиради УEФА матбуот хизмати.
У жамоаси ўйинидаги ижобий ўзгаришларни қайд этди, аммо энди уларни натижага айлантириш кераклигини қўшимча қилди.
