Лондоннинг "Арсенал" клубидаги фаолияти билан танилган франциялик мутахассис Арсен Венгер германиялик хавбек Флориан Вирцнинг "Ливерпуль"даги ўйини ҳақида фикр билдирди.
"Барча муаммо Вирцнинг шароитида. У "ўнлик" позициясида ўйнашни хоҳлади, бу эса жамоанинг ўйин моделини бузди. Флориан келиши билан Собослаи қанотга ўтишга мажбур бўлди. "Ливерпуль" бош мураббийи бўлганимда, ўтган йилги схемани қайтариб, Вирцни чап қанотга қўйган бўлардим. Унинг марказдаги позицияси хато," - дея французнинг сўзларини келтиради beIN Sports.
Англия Премьер-лигасининг жорий мавсумида 22 ёшли германиялик футболчи 10 та баҳсда майдонга тушиб, бирорта гол урмади.
