"Манчестер Юнайтед" бош мураббийи Рубен Аморим жамоа муаммосига тўхталиб ўтди. Жорий мавсумда “қизил иблислар” бор-йўғи бир марта ўз дарвозаси дахлсизлигини сақлаб қолишди.
"Қуруқ" ўйинлар йўқлиги? Бу муаммо. Агар ҳозир лигага қарасангиз, етакчилик қилаётган жамоа гол ўтказиб юбормаяпти. Бу жуда муҳим. Яхши ҳимоялансангиз, қайсидир нуқтада ҳужум қилиш имкониятини ўзгартириб, ғалаба қозонишингиз мумкин. Лекин ҳимоя бу жамоавий иш. Биз яхшироқ ҳимояланишимиз ва тажовузкорроқ бўлишимиз керак. Ҳаммаси бир-бирига боғлиқ.
Биз ҳозиргидек кўп гол ўтказиб юборишимиз мумкин эмас. Ўйин давомида рақиб 17 та зарбага эга бўлди - биз бунга йўл қўя олмаймиз" - деди Аморим матбуот анжуманида.
8 ноябрь, шанба куни “Манчестер Юнайтед” АПЛ доирасида “Тоттенхэм” билан ўйнайди.
