"Барселона" Ламин Ямалнинг соғлиғи билан боғлиқ муаммони ҳал қилиш устида ишлашда давом этмоқда. Жорий мавсумда 18 ёшли вингер пубалгиядан азият чекмоқда, шу сабабли у юкламаларни ёмонроқ бажармоқда. Diario Sport хабарига кўра, каталонияликлар аллақачон ушбу масалани ҳал қилиш учун доктор Лассе Лемпайнен билан боғланган. "Кўк-анорранглилар" юлдузига жарроҳлик амалиёти керак бўлиши мумкинлиги тахмин қилинган, аммо футболчи жарроҳлик амалиётидан қочишга умид қилмоқда.

Ламин Ямал Ханс-Дитер Флик жамоаси учун жорий мавсумда барча мусобақаларда ўнта ўйинда бешта гол ва бешта голли узатмани амалга оширди.