Мадриднинг "Реал" клуби "Бавария" марказий ҳимоячиси Дайо Упамекано билан келишувга эга эмас.
Мюнхен гранди франциялик футболчини эркин агент сифатида йўқотиш хавфи остида - шартнома келаси ёзда тугайди. Яқинда ОАВда "қаймоқранглилар" Упамекано билан оғзаки келишувга эришгани ҳақида хабар тарқалди, бироқ таниқли журналист Флориан Плеттенбергнинг сўзларига кўра, бу маълумотлар ҳақиқатга тўғри келмайди. "Реал" 27 ёшли футболчига аниқ қизиқиш билдирмоқда, аммо у билан ҳеч қандай келишувга эришилмаган.
Тахминларга кўра, мадридликлар футболчи "Бавария" билан шартномани узайтиришдан бош тортган тақдирда ҳаракат қила бошлайди. Музокаралар давом этмоқда.
