Херардо Мартино "Атланта"нинг янги бош мураббийига айланди. Мутахассис билан келишув 2027 йилги мавсум охиригача мўлжалланган, дея хабар беради клуб матбуот хизмати.
19 октябрь куни жамоа MLS плей-офф босқичига чиқа олмаган Ронни Дейлани ишдан бўшатди.
62 ёшли Мартино 2017 йилдан 2018 йилгача клубни бошқарган ва жамоага МЛС кубогини қўлга киритишда ёрдам берган.
Бундан ташқари, мутахассис Мексика, Аргентина ва Парагвай терма жамоаларида ҳам ишлаган. Шунингдек, у Испаниянинг "Барселона", Аргентинанинг "Колон" ва "Ньюэллс Олд Бойз" клублари ва Американинг "Интер Майами" жамоаларига устозлик қилган. Мартино "Барселона" билан 2013 йилда Испания Суперкубогини қўлга киритган.
