"Барселона" яримҳимоячиси Педри жароҳати туфайли жамоага кейинги ўйинларда ёрдам бера олмайди. "Кўк-анорранглилар"нинг 22 ёшли этакчиси "Реал"га мағлуб бўлганидан кейин сафдан чиқди.

Дастлаб, юлдуз ярим ҳимоячи жароҳатни тезда даволаши тахмин қилинган эди, аммо муаммо анча жиддий бўлиб чиқди. Diario Sport нашрининг янгиланган маълумотига кўра, Каталония клуби футболчининг 6 декабрь куни "Бетис"га қарши бўлиб ўтадиган ўйинга қайтишини кутмоқда. 9 ноябрь куни "Барса" сафарда "Сельта" меҳмони бўлади.

Айни дамда Испаниянинг амалдаги чемпиони Ла Лига турнир жадвалида пешқадам "Реал"дан 5 очко ортда қолиб, 2-ўринда бормоқда.