Лондоннинг "Челси" клуби ЕЧЛ 4-турида Озарбайжонга сафар қилди ва кутилмаганда "Қорабоғ" билан 2:2 ҳисобида дуранг ўйнади. Ушбу ўйинда "аристократлар" устози Энцо Мареска кўплаб ротацияларни амалга оширди.
Журналист Мэтт Лоу хабарига кўра, Энцо Маресканинг ротация қилиш сиёсати клуб хўжайинлари ва спорт директорлари томонидан тўлиқ қўллаб-қувватланмоқда.
"Челси" ротация баъзи қийинчиликларга олиб келиши мумкинлигини тан олади, масалан, мавсумнинг биринчи ярмида "Қорабоғ" билан дуранг, аммо бу узоқ муддатли натижаларга олиб келишига ишонади.
"Аристократлар" навбатдаги ўйинини шанба куни "Вулверхэмптон"га қарши ўтказади.
