“Манчестер Сити” ҳамда УЕФА эксперт ва собиқ футболчи Жейми Каррагерни “Этихад” стадионидаги дортмундлик мухлислар трибунасига киритишга рухсат бермади.
Каррагер, ҳозирда CBS Sports телеканали шарҳловчиси сифатида фаолият юритмоқда. У шунга қарамай ўйинни мухлислар орасида томоша қилишни хоҳлаган. Бироқ УЕФА унинг аккредитацияси фақат матбуот зонасида ишлашга рухсат беришини таъкидлади. "Манчестер Сити" эса меҳмонлар трибунасида жамоага қарши 90 дақиқа мухлислик қилган одам ўйиндан кейин футболчилардан интервью ололмайди, деб ҳисоблади.
Маълумот учун, Каррагер 2024 йилда Чемпионлар лигаси ярим финалида "Дортмунд" ва "ПСЖ" ўртасидаги баҳсда ҳам "Боруссия"га мухлислик қилган.
