Мадриднинг "Реал" клуби сафида тўп тепаётган марказий ҳимоячи Антонио Рюдигер яқин келажакда клубини ўзгартириши мумкин. Бу ҳақда Marca нашри хабар бермоқда.

Испаниялик журналистларнинг маълумотига кўра, футболчида туманли Альбионда ишлаш имконияти бор. Рюдигернинг трансферига унинг собиқ клуби - Лондоннинг "Челси" клуби қизиқиш билдирмоқда. Бундан ташқари, германиялик футболчида Саудия Арабистони чемпионатида ишлаш имконияти ҳам бор.

32 ёшли ҳимоячи 2022 йилнинг ёзидан бери "қироллик клуби" шарафини ҳимоя қилмоқда. Антонионинг "қаймоқранглилар" билан амалдаги шартномаси 2026 йилнинг июнь ойи охирида якунланади. Немиснинг трансфер нархи 15 миллион еврога баҳоланмоқда.