"Манчестер Сити" бош мураббийи Хосеп Гвардиола яримҳимоячи Родрининг ҳолатига изоҳ берди.
"Эртага кўрамиз, лекин таваккал қилмаймиз. Кейин бизни терма жамоалар ўйинлари учун танаффус кутмоқда ва футболчи ўзини яна кучли ҳис қиладиган ва ўйин юкламаларига дош беришга тайёр бўлган пайтни танлаш муҳим.
Ҳозир фақат ноябрь, мавсумнинг энг яхши қисми олдинда. Родри биз учун жуда муҳим ва унинг қайтишини жуда хоҳлаймиз. Гарчи Гонсалес яхши ва муҳим футболчи эканини тушунсак-да", - деди Гвардиола журналистларга.
"Манчестер Сити" айни дамда Премьер-лига турнир жадвалида 2-ўринда бормоқда. "Арсенал" 6 очко кўпроқ жамғарган.
