"Manchester Siti" bosh murabbiyi Xosep Gvardiola yarimhimoyachi Rodrining holatiga izoh berdi.
"Ertaga ko‘ramiz, lekin tavakkal qilmaymiz. Keyin bizni terma jamoalar o‘yinlari uchun tanaffus kutmoqda va futbolchi o‘zini yana kuchli his qiladigan va o‘yin yuklamalariga dosh berishga tayyor bo‘lgan paytni tanlash muhim.
Hozir faqat noyabr, mavsumning eng yaxshi qismi oldinda. Rodri biz uchun juda muhim va uning qaytishini juda xohlaymiz. Garchi Gonsales yaxshi va muhim futbolchi ekanini tushunsak-da", - dedi Gvardiola jurnalistlarga.
"Manchester Siti" ayni damda Premyer-liga turnir jadvalida 2-o‘rinda bormoqda. "Arsenal" 6 ochko ko‘proq jamg‘argan.













