Англия премьер-лигаси вакиллари "Ювентус" ҳужумчиси Кенан Йилдизга қизиқишда давом этмоқда.
20 ёшли футболчи "кекса синьора" билан янги шартнома имзолаганича йўқ, аммо бу ҳақда анчадан бери гап-сўзлар юрибди. Журналист Экрем Конурнинг ёзишича, "Тоттенхэм" туркиялик юлдузни ўз томонига оғдириб олмоқчи. Потенциал трансфер қиймати 75 млн еврога баҳоланмоқда.
Кенан Йилдизни Англиянинг бошқа топ-клублари - "Арсенал," "Челси" ва "Ливерпуль" ҳам кузатиб бормоқда. Жорий мавсумда чап қанотда ҳам ўйнашга қодир бўлган форвард "Ювентус" сафида 13 та ўйинда 3 та гол ва 4 та голли узатмани ўз ҳисобига ёздириб қўйди.
