"Манчестер Юнайтед" бош мураббийи Рубен Аморим таркиб ротацияси ҳақида гапирди. "Қизил иблислар" сардори Бруну Фернандеш деярли ҳар бир турда 90 дақиқадан ўйнайди, аммо келажакда бу ўзгариши мумкин.
"Биз ҳафтада битта ўйин ўтказамиз, шунинг учун ҳозир ротация ҳақида ўйламаяпман. Келажакда - ҳа, бу жуда мумкин ва Бруну буни тушуниши керак. Жамоа еврокубокларда иштирок этганда ғалаба қозонишни истасангиз, таркибни ўзгартиришингиз керак. Фернандеш кейинги мавсумда ротацияга тайёр бўлиши керак", - дея Аморимнинг сўзларини келтиради журналист Лаури Уитвелл.
"Манчестер Юнайтед" Премьер-лига ўн туридан кейин турнир жадвалида саккизинчи ўринда бормоқда. Манкунианликлар бугун "Тоттенхэм" меҳмони бўлади.
