Саудия Арабистони Про-лигасининг 8-туридан ўрин олган «Неом» – «Ан-Наср» учрашуви якунланди. Беллашув Табук шаҳридаги «Кинг Халид Спортс Сити» стадионида бўлиб ўтди. Учрашувда меҳмон жамоа 3:1 ҳисоби билан ғалаба қозонди.

Учрашувда ҳисобни 47-дақиқада меҳмонлар ҳужумчиси Габриэл Анжело очди. 56-дақиқада «Неом» форварди Лусиано Родригес қизил карточка олди ва майдондан четлатилди.

65-дақиқада Криштиану Роналду пенальтидан аниқ зарба бериб, ҳисобни оширди — бу унинг фаолиятидаги 953-гол бўлди. 84-дақиқада майдон эгалари форварди Ахмед Абду Жабер ҳисобни қисқартирди, аммо орадан икки дақиқа ўтиб Жоау Феликс якуний ҳисобни ўрнатди — 1:3.

8-турдан кейин «Ан-Наср» 24 очко билан Саудия чемпионати жадвалида пешқадамликни сақлаб қолди. «Неом» эса 13 очко билан еттинчи ўринда қолди.

Саудия Арабистони — Про-лига. 8-тур
8 ноябрь 2025 йил, шанба. 18:50
Неом — Ан-Наср 1:3
Голлар: 0:1 — Анжело (47'), 0:2 — Роналду (65', пенальти), 1:2 — Абду Жабер (84')
1:3 — Феликс (86')
Четлатиш: Родригес (56') — йўқ