Шанба куни Лондоннинг "Арсенал" клуби "Сандерленд" билан дуранг ўйнади (2:2). "Қора мушуклар" бир вақтнинг ўзида "тўпчилар"нинг иккита сериясини - ғалабали ва "қуруқ" сериясини тўхтатишга муваффақ бўлишди. Микель Артета жамоаси бунгача 8 та ўйинда ғалаба қозониб, уларда бирорта ҳам гол ўтказиб юбормаган.
"Албатта, гол ўтказиб юборганимиз ачинарли. Биз яхшироқ ўйнашимиз кераклигини биламиз. Биз яхши ҳимояланишга қодирмиз, аммо бугун ҳимояда ўзимизни кўрсата олмадик," - деди Артета журналистлар билан суҳбатда.
"Арсенал" 26 очко билан АПЛ жадвалида пешқадамлик қилмоқда.
