Shanba kuni Londonning "Arsenal" klubi "Sanderlend" bilan durang o‘ynadi (2:2). "Qora mushuklar" bir vaqtning o‘zida "to‘pchilar"ning ikkita seriyasini - g‘alabali va "quruq" seriyasini to‘xtatishga muvaffaq bo‘lishdi. Mikel Arteta jamoasi bungacha 8 ta o‘yinda g‘alaba qozonib, ularda birorta ham gol o‘tkazib yubormagan.
"Albatta, gol o‘tkazib yuborganimiz achinarli. Biz yaxshiroq o‘ynashimiz kerakligini bilamiz. Biz yaxshi himoyalanishga qodirmiz, ammo bugun himoyada o‘zimizni ko‘rsata olmadik," - dedi Arteta jurnalistlar bilan suhbatda.
"Arsenal" 26 ochko bilan APL jadvalida peshqadamlik qilmoqda.
