Лондоннинг "Арсенал" клуби бош мураббийи Микель Артета "Сандерленд"га (2:2) қарши ўйиндан сўнг журналистлар билан суҳбатлашди.
"Канонирлар" 36-дақиқада биринчи бўлиб гол ўтказиб юборди, аммо иккинчи бўлимда Букайо Сака ва Леандро Троссарднинг 54 ва 74-дақиқалардаги голлари эвазига ҳисобни тенглаштирди ва олдинга чиқиб олди. Ҳакам томонидан қўшиб берилган дақиқаларда майдон эгалари барибир мағлубиятдан қутулиб қолишди ва Лондон грандининг ғалабали сериясига барҳам беришди.
"Бундай дуранг мағлубиятдек туюлади, ахир биз энг охирида гол ўтказиб юбордик. Сўнгги дақиқаларда бизда ғалабани тортиб олиш имконияти бор эди. Ўйлайманки, бугун уч очкога лойиқ эдик, аммо олдинга қадам ташлаш ва яхшиланишда давом этиш керак," - деди Артета ўйиндан кейинги интервьюсида.
"Арсенал" 11 турдан кейин 26 очко билан АПЛ турнир жадвалида пешқадамликни сақлаб турибди.
