Londonning "Arsenal" klubi bosh murabbiyi Mikel Arteta "Sanderlend"ga (2:2) qarshi o‘yindan so‘ng jurnalistlar bilan suhbatlashdi.
"Kanonirlar" 36-daqiqada birinchi bo‘lib gol o‘tkazib yubordi, ammo ikkinchi bo‘limda Bukayo Saka va Leandro Trossardning 54 va 74-daqiqalardagi gollari evaziga hisobni tenglashtirdi va oldinga chiqib oldi. Hakam tomonidan qo‘shib berilgan daqiqalarda maydon egalari baribir mag‘lubiyatdan qutulib qolishdi va London grandining g‘alabali seriyasiga barham berishdi.
"Bunday durang mag‘lubiyatdek tuyuladi, axir biz eng oxirida gol o‘tkazib yubordik. So‘nggi daqiqalarda bizda g‘alabani tortib olish imkoniyati bor edi. O‘ylaymanki, bugun uch ochkoga loyiq edik, ammo oldinga qadam tashlash va yaxshilanishda davom etish kerak," - dedi Arteta o‘yindan keyingi intervyusida.
"Arsenal" 11 turdan keyin 26 ochko bilan APL turnir jadvalida peshqadamlikni saqlab turibdi.













