"Арсенал" бош мураббийи Микель Артета "Сандерленд"га (2:2) қарши ўйиндан сўнг жамоасининг мавсумдаги ўйинлари ҳақида гапирди. "Канонирлар" 26 очко билан Премьер-лигада пешқадамлик қилмоқда.

"Ҳеч қандай шикоят йўқ. Охирги 10 та ўйинда ғалаба қозондик, гол ўтказиб юбормадик. 7 нафар футболчи жароҳат олган бўлса-да, жамоа феноменал натижалар ва ўйин кўрсатмоқда.

Жорий мавсумга баҳо? Мен айтиб ўтган сабабларга кўра, биз жуда кучли позицияга эгамиз. Кўплаб ўйинларда гол ўтказиб юбормадик, аммо ҳужум чизиғининг еттита асосий ўйинчиси жароҳат олган, бу эса ротацияни қийинлаштиради," - деди Артета BBC’нинг Match of the Day дастурида.

"Арсенал"ни олдинда кетма-кет учта катта ўйин кутмоқда - "Тоттенхэм", "Бавария" ва "Челси."