"Челси" шанба оқшомида 3 очкони ўз ҳисобига ёзиб қўйди. Энцо Мареска жамоаси ўз уйида "Вулверхэмптон"ни 3:0 ҳисобида мағлуб этди. Голларга Мало Гюсто, Жоао Педро ва Педру Нету муаллифлик қилди. Барча голлар иккинчи бўлимда урилди.
Бу ўйинда "Челси" рақиб дарвозасига 20 та зарба йўллади. BBC хабарига кўра, зарбалар сони бўйича бу "аристократлар"нинг Премьер-лига жорий мавсумидаги бир ўйиндаги энг яхши кўрсаткичидир.
Айни пайтда "Челси" Англия чемпионати турнир жадвалида "Арсенал"дан 6 очко ортда қолиб, 2-ўринда бормоқда. Шу билан бирга, якшанба куни "аристократлар"нинг жадвалдаги ўрни пасайиши мумкин.
