"Милан" А Серия 11-турида икки тўп фарқи билан олдинда бораётган ҳолатда "Парма" билан дуранг ўйнади - 2:2.
"Россонерилар" устози Массимилиано Аллегри ўйин ҳақида ўз фикрларини билдириб ўтди.
"Икки очко йўқотдик. Билмадим, биринчи бўлим охирида гол ўтказиб юбормаганимизда қандай бўларди, лекин бу муҳим роль ўйнади. Танаффусдан кейин биз шу қадар ёмон эдикки, гол ўтказиб юборишдан олдин ҳам "Парма"га стандарт вазиятларда бир нечта аниқ вазиятлар яратишга имкон бердик. Жамоа гўё ярим уйқуда эди. Кейин ўйнашни бошладик, ўз имкониятларимизни яратдик, аммо улардан фойдалана олмадик. Биз битта гол ўтказиб юбориб, йиқилдик ва рақиб бундан максимал даражада фойдаланди," - деди Аллегри Sky Sport’га берган интервьюсида.
23 ноябрь куни "Милан" "Интер"га қарши майдонга тушади.
