"Манчестер Юнайтед" бош мураббийи Рубен Аморим ҳужумчи Беньямин Шешконинг жароҳати ҳақида гапирди.
Словениялик футболчи шанба куни "Тоттенхем"га (2:2) қарши кечган ўйиннинг 58-дақиқасида майдонни тарк этишга мажбур бўлди.
"Жароҳат? Билмадим, текширув натижаларини кутамиз. Мени ҳаммасидан ҳам Шешконинг шикастлангани ташвишга соляпти. Мен учун ҳаммаси бир хил, аммо унга нима бўлганини тушунишимиз керак," - деди португалиялик мутахассис матбуот анжуманида.
Беньямин Шешко ўтган ёзда "РБ Лейпциг"дан "қизил иблислар" сафига қўшилганди. Трансфер қиймати 75 млн евродан ошган.
