Португалиянинг «Бенфика» клуби расмий сайти хабар беришича, президент Руй Кошта яна 4 йиллик иккинчи муддатга сайланди.
Сайлов натижаларга кўра, Кошта 65,89% овоз билан ғалаба қозонди, бу эса унга клубни бошқаришни давом эттириш ҳуқуқини беради.
Унинг илк муддати давомида «Бенфика» 1 марта миллий чемпионлик, 1 марта Лига Кубоги ва 2 марта Суперкубокни қўлга киритган. Европа миқёсида эса жамоа Чемпионлар Лигаси чорак финалигача етиб борган.
Руй Кошта — нафақат клуб раҳбари, балки ўтмишда Португалия терма жамоаси, «Бенфика», «Фиорентина» ва «Милан»нинг афсонавий ярим ҳимоячиси сифатида ҳам танилган.
