Каталониянинг «Барселона» клуби ҳали ҳам «Манчестер Юнайтед» ҳужумчиси Маркус Рэшфордни тўлиқ сотиб олиш бўйича бир қарорга келмаган. Бу ҳақда Diario Sport хабар берди.
Манба маълумотига кўра, клубнинг иккиланиш сабаби — футболчининг юқори маоши. Ҳозирча "кўк-анорранглилар" анча ёш ва молиявий талаблари паст бўлган вингерларга эътибор қаратмоқда.
Эслатиб ўтамиз, Рэшфорд ёздаги трансфер ойнасида «қизил иблислар»дан ижара асосида «Барселона» сафига қўшилган эди. У бу вақтгача жамоа сафида 15 ўйинда 6 гол уриб, 7 голли узатма берди.
