Мадриднинг "Реал" клуби бош мураббийи Хаби Алонсо Ла Лига 12-туридан ўрин олган "Райо Вальекано"га қарши ўйиндаги дуранг ҳақида гапирди.
"Қийин ўйинга тайёр эдик. Аввалги йилларда бўлгани каби "Райо" ҳам максимал концентрацияда ҳаракат қилади ва биз уларнинг ҳимояси калитини топа олмадик. Ўйин жуда шиддатли ўтди. "Ливерпуль" билан ўйиндан кейин ўйинни ўз режаларимиз бўйича ўтказмоқчи эдик. Иккинчи бўлимда ҳамма нарса бўлиши мумкин эди. Аммо бугун ғалаба қозона олмадик," - деди Алонсо ўйиндан кейин.
12-турдан сўнг "Реал" 31 очко билан Ла Лига турнир жадвалида пешқадамликни давом эттирмоқда. Жамоанинг кейинги учрашуви 23 ноябрь куни "Эльче"га қарши бўлиб ўтади.













