"Манчестер Сити" бош мураббийи Хосеп Гвардиола мураббийлик фаолиятидаги мингинчи ўйиндан кейинги таассуротлари билан ўртоқлашди. Юбилей "Ливерпуль"га қарши ўйинга тўғри келди, унда "шаҳарликлар" 3:0 ҳисобидаги ғалабани нишонлади.
"Мен шунчаки футболчилар ва барча ходимларга бундай совға учун миннатдорчилик билдирмоқчиман. "Манчестер Сити"да қилинган ишлар билан фахрланаман.
Ўйлашимча, "Барселона"нинг иккинчи жамоасига мураббийлик қилаётганимда йўлнинг бошидаёқ асос солинган. Ўша даврда кўп нарсани англадим, кўп нарсани ўргандим.
Мингинчи ўйинни оила аъзоларинг кўз ўнгида ўтказиш ўзгача. Айниқса, ўзим жуда ҳурмат қиладиган "Ливерпуль"га қарши. Бу менинг бу ердаги ўн йиллик фаолиятимдаги энг кучли рақибимиз," - деди Гвардиола интервьюда.
Испаниялик ҳозирги лавозимини 2016 йилда эгаллаган.
