Мадриднинг "Реал" клуби Ла Лига 12-туридан ўрин олган "Райо Вальекано"га (0:0) қарши баҳсда ғалаба қозона олмади.
"Қаймоқранглилар" ўйинга яққол фаворит сифатида етиб боришди, аммо майдонда рақибдан яққол устунлик кўрсата олишмади. Учрашув якунлангач, матбуотда яна мураббий Хаби Алонсонинг ишидан норозилик ҳақидаги миш-мишлар тарқалди. Шундай қилиб, Marca хабарига кўра, "Реал" аллақачон испаниялик мутахассиснинг ўйин услубига шубҳа қила бошлаган.
Хаби Алонсо ёз бошида Карло Анчелотти ўрнини эгаллаганди. Мадрид гранди ҳамон Испания чемпионати турнир жадвалида пешқадамлик қилмоқда ва "Барселона"ни 3 очкога ортда қолдирмоқда.
