"Барселона" клуби президенти Сандро Россель жамоани бош мураббий Тито Виланова тарк этганини расман эълон қилди. Ушбу мутахассиснинг соғлиги ёмонлашгани туфайли шундай қарорга келишга мажбур бўлди.
Клуб расмий сайти янги бош мураббий номи келаси ҳафтада эълон қилиниши хақида хабар берган бўлса-да, Испаниянинг "El Mundo Depotrivo" Тито Виланованинг ўрнига Жоан Франсеск Феррер Руби тайинланиши тахмин қилган. Ушбу мутахассис бир ой илгари Виланова мураббийлар штабига киритилганди. Якунланган мавсумда ушбу мураббий "Жирона" клуби билан Сегундада 4-ўринни эгаллаганди.