Мадриднинг "Реал" клуби бразилиялик ҳужумчиси Родриго Англия премьер-лигасига кўчиб ўтиши мумкин.
Fichajes нашри тарқатган хабарга кўра 24 ёшли Родригога Лондоннинг "Тоттенхэм" клуби ҳамон қизиқиш билдирмоқда. "Шпорлар" испан клуби сўраган 80 миллион еврони тўлашга тайёр.
Хаби Алонсо "Реал" бош мураббийи бўлгач, Родриго бирдан захира ўриндиғига ўтириб қолди. Миш-мишларга ишонадиган бўлсак, бразилиялик футболчи жаҳон чемпионати арафасида кўпроқ ўйнаш учун жамоасини ўзгартиришга қарши эмас.
Родриго бу мавсумда барча турнирларда 13 та ўйинда майдонга тушиб, 2 та голли узатмани амалга оширди.
