Ўзбекистон Суперлигасининг 28-туридан ўрин олган бир қанча учрашувларда аёл ҳакамлар иштирок этди. Жумладан, тажрибали ҳакам Кристина Середа “ОКМК” – “Навбаҳор” учрашувида, ёш ҳакам Насибабону Тошмуҳаммедова эса “Насаф” – “Машъал” ўйинида АВАР ҳаками сифатида вазифасини бажарди.
Бугун, 10-ноябрь куни бўлиб ўтадиган “Сурхон” ҳамда “Шўртан” ўртасидаги беллашувда эса тўрт нафар аёл ҳакам фаолият олиб бориши кўзда тутилган. Ўзбекистон футбол ҳакамлар маркази берган маълумотга кўра, бу ҳолат 2025-йилги мавсумда илк марта юз берган.
Мазкур учрашувда Кристина Середа ва Зилола Раҳматова ёрдамчи ҳакам, Гулшода Саитқулова захира ҳаками, Дилдора Рустамова эса АВАР ҳаками сифатида фаолият олиб боради.
“Сурхон” — “Шўртан” баҳси расмийлари:
Бош ҳакам: Достон Раҳмонов
Ёрдамчи ҳакамлар: Кристина Середа, Зилола Раҳматова
Захира ҳаками: Гулшода Саитқулова
Назоратчи: Рустам Бобомуродов
ВАР ҳаками: Тўрабек Суюнов
АВАР ҳаками: Дилдора Рустамова
Комиссар: Ойбек Давлетмуродов
“Бу — аёл ҳакамларимизнинг Суперлигадаги фаол иштироки ва уларнинг профессионал ўсиш йўлидаги навбатдаги муҳим қадами саналади”, дейилади ЎзФҲМ баёнотида.
