АПЛ 11-туридан ўрин олган "Манчестер Сити" - "Ливерпуль" (3:0) учрашуви Пеп Гвардиоланинг мураббийлик фаолиятидаги 1000-ўйин бўлди. У 2007 йилдан бери ишлайди.
Испаниялик "Барселона Б" билан 42 та, "Барселона"нинг асосий жамоаси билан 247 та, "Бавария" билан 161 та ва "Манчестер Сити" бошқарувида 550 та ўйин ўтказган.
Гвардиола 1000 та жангда 716 та ғалабага эришган. Шунингдек, у 156 та дуранг ва 128 та мағлубиятга эга.
Бу вақт ичида мутахассис 39 та совринни қўлга киритишга муваффақ бўлди, шу жумладан 12 та мамлакат чемпионлиги (Испания, Германия ва Англия). Бундан ташқари, у уч марта Чемпионлар лигасида ғолиб чиқди.
