"Аталанта" Иван Юрични бош мураббий лавозимидан озод этди.

Бергамо клуби 50 ёшли хорватиялик ва унинг ёрдамчилари асосий жамоани бошқаришдан четлаштирилганини эълон қилди.

Илгари “Женоа”, “Верона”, “Торино”, “Рома” ва “Саутгемптон”да ишлаган Юрич июнь ойида Жан-Пьеро Гасперини кетганидан кейин “Аталанта”ни бошқарганди.

Юрич қўл остида жамоа 15 та ўйин ўтказди: 4 ғалаба, 8 дуранг ва 3 мағлубият. Уларнинг ғалабасиз серияси саккизта ўйинга етди. "Аталанта" ҳозирда А Серияда 11 турдан кейин 13 очко жамғарган ҳолда 13-ўринда бормоқда.

Хабар қилинишича, Раффаэле Палладино "Аталанта"нинг янги бош мураббийи этиб тайинланади.