Американинг Apollo Sports Capital активлар бошқаруви компанияси 2026 йил бошида “Атлетико” клубининг асосий акциядорларидан бирига айланади, деб хабар берди клуб матбуот хизмати.
Маълумотга кўра, клубнинг бош директори Мигель Анхель Хиль ва президенти Энрике Сересо ўз лавозимларида қолади — бу орқали “бошқарувдаги изчиллик ва умумий концепцияни сақлаб қолиш” мақсад қилинган.
Клуб баёнотида таъкидланишича, ушбу келишув “мультиклублик эгалик стратегиясининг бир қисми эмас”.
Эслатиб ўтамиз, “Атлетико”нинг аввалги йирик инвесторларидан бири — хитойлик Wanda корпорацияси бўлиб, у ўз улушини кейинчалик исроиллик миллиардер Идан Офер ва унинг Quantum Pacific Group компаниясига сотган эди.
