“Манчестер Юнайтед” спорт раҳбарияти ҳали ҳам “Ноттингем Форест” ярим ҳимоячиси Эллиот Андерсонни сотиб олишга қизиқиш билдираётгани хабар қилинди. Бу ҳақда журналист Флориан Плеттенберг маълум қилди.

Манбанинг таъкидлашича, "қизил иблислар" футболчига бўлган қизиқиши ҳақида “Ноттингем Форест” раҳбариятини аллақачон хабардор қилган. Шу билан бирга, “ўрмончилар” ҳозирча Андерсон учун белгиланган нархни пасайтириш ниятида эмас — клуб унинг трансфер қийматини 114–137 миллион евро атрофида баҳоламоқда.

Англия Премьер-лигаси жорий мавсумида 23 ёшли Андерсон 11 та учрашувда иштирок этиб, 1 та гол урган ва 1 та голли узатма амалга оширган.