“Manchester Yunayted” sport rahbariyati hali ham “Nottingem Forest” yarim himoyachisi Elliot Andersonni sotib olishga qiziqish bildirayotgani xabar qilindi. Bu haqda jurnalist Florian Plettenberg ma’lum qildi.

Manbaning ta’kidlashicha, "qizil iblislar" futbolchiga bo‘lgan qiziqishi haqida “Nottingem Forest” rahbariyatini allaqachon xabardor qilgan. Shu bilan birga, “o‘rmonchilar” hozircha Anderson uchun belgilangan narxni pasaytirish niyatida emas — klub uning transfer qiymatini 114–137 million yevro atrofida baholamoqda.

Angliya Premyer-ligasi joriy mavsumida 23 yoshli Anderson 11 ta uchrashuvda ishtirok etib, 1 ta gol urgan va 1 ta golli uzatma amalga oshirgan.