“Рома” ҳужумчиси Пауло Дибала журналист Экрем Конур маълумотига кўра, ўз ватани Аргентинага қайтиш ва “Бока Хуниорс” сафида фаолиятини давом эттиришни жуда хоҳламоқда.

Манбанинг таъкидлашича, ҳозирги вақтда Дибаланинг “Рома” билан шартномани узайтириши катта шубҳа остида, чунки унинг маоши клуб учун жуда юқори ҳисобланади.

Футболчининг “Рома” билан амалдаги шартномаси жорий йил ёзида ниҳоясига етади, шу боис у Аргентинага қайтиш имкониятини жиддий кўриб чиқмоқда ва “Бока Хуниорс”га ўтиш ниятида.

Дибала 2022 йилдан бери “Рома” сафида ҳаракат қилиб келмоқда. Жорий мавсумда у барча мусобақаларда 9 та ўйинда майдонга тушиб, 2 та гол урди ва 1 та голли узатма берди.

Transfermarkt маълумотларига кўра, 31 ёшли ҳужумчининг бозор қиймати 8 миллион еврони ташкил этади.